«Адал азамат» бағдарламасы аясында және Қазақстан Республикасы мемлекеттік рәміздерін насихаттау мақсатында 8-сынып оқушылары арасында «Символика және Конституция» атты зияткерлік ойын өтті.
Оқушылар Мемлекеттік Ту, Елтаңба және Әнұран туралы, сондай-ақ Қазақстан Республикасының Конституциясының негізгі баптары жөнінде білімдерін көрсетті. Ойын барысында қатысушылар сұрақтарға жауап беріп, түрлі тапсырмаларды орындап, топпен жұмыс істеу қабілеттерін танытты.
Шара жас ұрпақтың азаматтық жауапкершілігін, отансүйгіштік қасиетін қалыптастырып, ел тарихы мен заңдарына деген құрметін арттыруға ықпал етті.