Мектепте 1–11 сынып оқушыларына арналған «Менің ардагер атамның майдан тарихы» атты ерлік сабағы өтті. Іс-шара Ұлы Отан соғысы батырларының ерлігін ұлықтауға, жас ұрпақтың бойында патриоттық сезім мен аға буынға деген құрметті қалыптастыруға бағытталды.
Сабақ барысында оқушылар соғысқа қатысқан және тылда еңбек еткен аталары мен әжелері туралы әңгімелеп, отбасылық естеліктерімен, фотосуреттерімен бөлісті.
Оқушылар сыныптастарының баяндамаларын қызығушылықпен тыңдап, батырлардың ерлігі, қайсарлығы және Отанға деген сүйіспеншілігі туралы тың мәліметтер алды. Көптеген әсерлі оқиғалар қатысушылардың жүрегіне жол тауып, тарихи жадыны сақтаудың маңыздылығын тағы бір мәрте еске салды.
Ерлік сабағы жылы әрі әсерлі атмосферада өтіп, барлық қатысушылар үшін маңызды тәрбиелік мәні бар іс-шараға айналды.
