14 наурыз – қазақ халқы үшін ең шуақты, ең жүрекке жылы күндердің бірі. Бұл күн Көрісу күні деп аталады. Адамдар бір-бірімен сағынысып қауышып, құшақ жайып амандасып, ақжарма тілектерін айтып, қуаныштарын бөліседі.
Осы әсерлі мерекеден біздің мектебімізде көктемнің ұлы тойы – Наурыз мейрамы апталығы басталды. Мұғалімдер мен оқушылар бір-бірін жылы жүзбен қарсы алып, құшақтасып, ізгі тілектерін білдірді. Мектеп іші мейірімге, шынайылыққа және көктемнің жаңару лебіне толды.
