«№8 мектеп» КММ-де «Аддиктивті мінез-құлық (тәуелділік): психоактивті заттарды (ПАЗ) қолдану» тақырыбында ақпараттық-профилактикалық іс-шара өтті.
Кездесу барысында білім алушыларға аддиктивті мінез-құлық ұғымы, тәуелділіктің қалыптасуына әсер ететін факторлар, сондай-ақ психоактивті заттардың адамның физикалық және психикалық денсаулығына тигізетін әсері туралы ақпарат берілді.
Сонымен қатар, саналы таңдау жасау, қауіпті мінез-құлықтан бас тарту дағдыларын қалыптастыру, өз денсаулығын сақтау және қабылданған шешімдер үшін жауапкершілік тақырыптарына ерекше назар аударылды.
Осындай профилактикалық іс-шаралар білім алушылардың ақпараттық сауаттылығын арттыруға және салауатты өмір салтын қалыптастыруға ықпал етеді.
